Lab pe Paabandi nahin

lab pe paabandii nahiN ehasaas pe paharaa to hai
phir bhii ahal-e-dil ko ahvaal e bashar kahnaa to hai

apani GHairat bech Daalein apnaa masalaq chhoD dein
rahnumaaon mein bhii kuchh logoon ko ye manshaa to hai


hai jinhein sab se zyaadaa daavaa e hubb e vatan
aaj un kii vajah se hubb e vatan rusavaa to hai


bujh rahe hain ek ek kar ke aqiidon ke diye
is andhere kaa bhii lekin saamnaa karnaa to hai

jhuuTh kyuuN bolein faroG e maslahat ke naam par
zindagii pyaarii sahii lekin hamein marnaa to hai